Santa Cristina in musica

https://santacristinainmusica.eventbrite.com

https://www.facebook.com/santacristinainmusica

http://www.shellyart.com/santacristinainmusica/cartel_2022.pdf

Dun diálogo musical só pode xurdir algo bo, algo único que achegue luz aos corazóns e aos sentidos. Nos tempos que vivimos, esa conexión espiritual que consegue a música é máis necesaria ca nunca. Os pobos teñen nexos a través dos sons, das cancións; é algo que os une e que favorece a comunicación sobre a sinrazón e os desencontros.

Así nace esta conversa musical, coa idea de favorecer a comunicación entre intérpretes e programas, entre instrumentos e voces, entre estilos e épocas, entre distintas culturas. E todo iso nun espazo singular que os acolle e eleva os sons dun xeito místico e lúdico á vez: Santa Cristina de Ribas de Sil.

Gocemos desa conexión, dese diálogo musical, inda que sexa por unhas horas, no corazón da Ribeira Sacra.